Njëmbëdhjetë peshkatarë indonezianë janë shpëtuar pasi mbijetuan për gjashtë ditë pa ushqim dhe ujë në një ishull të vogël në brigjet e Australisë.
Autoriteti Australian i Sigurisë Detare tha se ata u transportuan me avion të sigurt të hënën nga Bedwell Island, rreth 330 km (205 milje) në perëndim të qytetit Broome në Australinë Perëndimore.
Por bëhet me dije se nëntë të tjerë dyshohet se kanë vdekur. Ndërkohë të mbijetuarit thanë se dy varkat e tyre u goditën nga cikloni i fuqishëm tropikal Ilsa javën e kaluar.
Nëntë nga 10 anëtarët e ekuipazhit në atë anije janë ende të zhdukur.
I mbijetuari i vetëm raportohet të ketë qenë në oqean për orë të tëra, përpara se të shpëtohej nga peshkatarët nga varka tjetër, raportoi Korporata Australiane e Transmetimeve (ABC).
Peshkatarët e mbijetuar përfundimisht u panë nga një aeroplan i Forcave Kufitare Australiane dhe u evakuuan me një helikopter shpëtimi në Broome, ku po trajtohen në spital.
Cikloni Ilsa, stuhia më e fortë në rajon në rreth 14 vjet, goditi Australinë Perëndimore javën e kaluar – por i kurseu zonat e populluara nga dëmtimet e mëdha./Opinion.al
