Agim Madani, i shumëkërkuari në Shqipëri dhe në Kosovë për vrasje, përdhunim e grabitje, dyshohet të jetë një prej viktimave të gjetura dje në një fshat të Tropojës. Bashkë me burrin u zbulua dhe trupi i një femre. Të dy kufomat dyshohet të kenë ndërruar jetë para 6 muajsh nga gjetja e tyre mëngjesin e djeshëm. Çifti ka jetuar së bashku, nisur nga provat e gjetura në vendngjarje, por për policinë është ende mister shkaku i vdekjes. Nga të dhënat paraprake nuk ka shenja për vrasje.
Çifti u gjet i vdekur brenda një kasolleje të ndërtuar prej tyre, në një fshat të Tropojës, në vendin e quajtur “Roga e Kermes”, të fshatit Mejdan. Agim Madani ishte në kërkim nga policia, ndërsa sipas policisë së Kosovës dyshohet për disa vjedhje dhe sulmeve ndaj pjesëtarëve të policisë së Pejës. Tropojani është autor i dyshuar i një vrasjeje me plumb në kokë të mikut të tij, një vit më parë. Ndërkohë trupi tjetër (skeleti i një femre) ende nuk është identifikuar.
