Policia ka identifikuar autorin e vrasjes së Eri Zefit në fillim të muajit tetor. 34-vjeçari u gjet i vrarë në një kanal në Zall Xhuxhë ndërkohë që policia ka përcaktuar se ai është vrarë për motive gjakmarrjeje nga Mikel (Gjovalin) Alia.
Autori i dyshuar është nga Fani i Mirditës dhe është shpallur tashmë në kërkim. Dyshohet se ai ka përdorur një mik të Zefit për ta nxjerrë atë në pritë dhe më pas ta rrëmbejë.
Eri Zefi u ekzekutua me 6 plumba, 4 në kokë dhe 2 në gjoks. Në trupin e viktimës u konstatuan shenja dhune dhe vrasja rezulton të ketë ndodhur gjatë natës pikërisht në vendin ku është gjetur trupi, në një zonë të pyllëzuar 50 metra larg rrugës së Kombit.
Ai është vëllai i Ndue Zefit, 37-vjeçarit i cili në shkurt të këtij viti vrau në Durrës Martin Ndrecën, pas një konflikti në një lokal. /Opinion.al
