Një grua e plagosur është gjetur pasditen e sotme nga shërbimet e Policisë anës rrugës, në aksin Fier-Lushnje. Sipas njoftimit të policisë, dyshohet se shtetesja ende e paidentifikuar mund të jetë dëmtuar si pasojë e një aksidenti rrugor.
Policia bën me dije se shtetasja ende e paidentifikuar si pasojë e dëmtimeve të marra ka humbur jetën në spital.
Njoftimi i plotë:
Fier/ Informacion paraprak
Rreth orës 17:20, në aksin rrugor “Fier-Lushnjë”, shërbimet e Policisë kanë konstatuar një shtetase të dëmtuar, dyshohet si pasojë e një aksidenti rrugor, anës rrugës, e cila u transportua me ambulancë në spitalin rajonal të Fierit.
Shtetasja ende e paidentifikuar si pasojë e dëmtimeve të marra ka humbur jetën në spital.
Grupi hetimor po punon për identifikimin e shtetases dhe të automjetit që ka shkaktuar përplasjen me pasojë vdekjen e shtetases ende të paidentifikuar.
