Një 18-vjeçar dyshohet të jetë mbytur ditën e sotme në lumin Buna.
Sipas uniformave të policisë mësohet se i riu ka hyrë për t’u larë dhe më pas dyshohet ta ketë marrë rrjedha e lumit.
Trupi i pajetë i të riut është gjetur nga policia dhe banorë të zonës.
“Rreth orës 14:30, në fshatin Obot, është futur për t’u larë në lumin Buna, shtetasi R. D., 18 vjeç, të cilin dyshohet se e ka marrë rrjedha e lumit dhe si pasojë është mbytur.
Me marrjen e njoftimit, shërbimet e Policisë kanë shkuar menjëherë në vendngjarje dhe në bashkëpunim me banorët e zonës kanë kërkuar përgjatë rrjedhës së lumit, ku kanë gjetur trupit e pajetë të 18-vjeçarit”, njofton policia.
Grupi hetimor, në drejtimin e prokurorit, vijon punën për zbardhjen e plotë të rrethanave të rastit./Opinion.al
