Gjykata Administrative ka pezulluar nga detyra nënkryetarin e Bashkisë së Vorës, Genti Picari, i cili u emërua në këtë post nga ish-kyebashkiaku Agim Kajmaku, ditën që ky i fundit u shkarkua nga Komisioni Qendror i Zgjedhjeve.
Lidhur me këtë lëvizje, Kajmaku u akuza për “Kryerja e funksionit pas dhënies së tij”. Përveç kësaj akuze ndaj, Agim Kajmaku i cili aktualisht ndodhet në arrati, rëndojnë akuzat për “Falsifikim i vulave, i stampave dhe formularëve” dhe“Falsifikim i dokumenteve zyrtarë”.
Ndërkohë, Gykata ka rikthyer Lauerat Omerin dhe Hekuran Brahimajn si nënkryetarë të Bashkisë së Vorës, të cilët u shkarkuan më herët nga Kajmaku.
Hetimet ndaj Kajmakut nisën pas denoncimit të bërë nga Partia Demokratike, e cila tha se ai kishte fshehur dënimin në Greqi, gjë e cila përbën shkelje të ligjit të dekriminalizimit dhe për këtë arsye ai nuk mund të mbante postin e kryetarit të Bashkisë së Vorës./ Opinion.al
