Është publikuar identiteti i shqiptarit të ekzekutuar me armë ditën e djeshme në Torino të Italisë.
Mediat italiane sqarojnë se ai është Shpëtim Frashëri, 39-vjeç, i ekzekutuar me dy plumba gjatë natës së djeshme rreth orës 03:30 nga dy persona ende të paidentifikuar.
Nga të njëjtat burime, tregohet se nga hetimet e deritanishme, policia italiane dyshon se krimi ka ndodhur për shkak të rivalitetit mes bandave shqiptare në fushën e prostitucionit.
Nga hetimet e policisë italiane tregohet se dy vrasësit kanë pasur si qëllim eleminimin e Shpëtim Frashërit, pas plumbit të parë të marrë në gjoks, ata e kanë ndjekur viktimën pas 150 metra duke e qëlluar edhe me një plumb tjetër në trup.
39 vjecari Frashëri ka ndërruar jetë pak orë më vonë në spitalin Martini të Torinos, ndërsa autorët e krimit janë larguar pa lënë gjurmë.
Gjatë atentatit plumbat kanë goditur dhe dritaren e një apartamenti aty pranë.
Policia italiane hedh dyshimet se ky atentat vrasës është një larje hesapesh mes bandave kriminale shqiptare. Autoritetet italiane po hetojnë mbi jetën e viktimës e lidhjet e tij miqësore e jo vetëm.
Janë sekuestruar telekamerat e mbikqyrjes së lokalit dhe të rrugëve përreth në shërbim të identifikimit të autorëve të vrasjes së 39 vjeçarit shqiptar.
