Mediat greke kanë publikuar pamjet e vrasjes së mafizoit 44-vjeçar Vassilis Zampounis, i cili u ekzekutua në orët e para të së shtunës në Neos Kosmos.
Siç shihet dhe nga pamjet e mëposhtme, 44-vjeçari është zënë në befasi sapo ka hyrë në makinë.
Vetëm brenda 28 sekondash një makinë i është afruar nga e cila kanë zbritur dy persona të armatosur.
Njëri prej tyre është afruar menjëherë në xhamin e shoferit dhe ka zbrazur karikatorin e parë të kallashnikovit.
Më pas ai është tërhequr ka ndërruar karikator dhe ka vijuar duke qëlluar me breshëri. Në një moment për t’u siguruar që objektivi kishte ndërruar jetë, ai hap derën e makinës dhe e qëllon sërish.
Në mjet u gjetën armë, jelek antiplumb dhe një bidon me benzinë.
Ndërkaq mësohet se hetuesit kanë gjetur mbi 90 plumba kallashnikovi në skenën e krimit. Oficerët e sigurisë nuk përjashtojnë që të ketë pasur edhe më shumë të shtëna. Ata besojne se për këtë ngjarje janë paguar shuma të mëdha parash.
Zampounis njihet si kreu i një grupi që merret me gjobvënie, por edhe me vrasje me pagesë. Ai është ndaluar nga autoritetet, por ndaj tij nuk u gjetën asnjëherë prova, ndërsa në vitin 2018 atij iu bë një atentat në Pire.
Mafiozi i shpëtoi atentatit të parë pasi njërit prej autorëve iu bllokua arma, ndërsa një polic i kishte dhënë ndihmën e parë në vendngjarje.
