Gjykata e Durrësit ka lëshuar këtë të martë urdhër mbrojtjeje për Pjetër Kaçin dhe djemtë e tij, pas konfliktit që ata patën të dielën në Hamallaj me ish-gardistin Martin Nikolli dhe familjen e tij.
Me pretendimin se mes dy familjeve ka ende tensione, 78-vjeçari Pjetër Kaçi ka bërë një kërkesë në Gjykatën e Durrësit për urdhër mbrojtjeje ndaj gardistit, Martin Nikolla, gjë që është pranuar nga gjykata.
Kujtojmë se shkaku i konfliktit mes dy familjeve ishte një rrugë, për të cilën të dyja familjet kanë qenë në Prokurori.
Sjellim në vëmendje se pasi u përplasën fizikisht, gardisti Martin Nikolli qëlloi me armë zjarri në ajër. Nga të shtënat nuk pati të lënduar.
Pas ngjarjes së rëndë, me urdhër të Ministrit të Brendshëm, efektivi i Gardës u përjashtua nga detyra. Martin Nikolli me funksion ndihmës oficer sigurie në grupet e shoqërimit, ishte i punësuar si shoferi zëvendësues i kryeparlamentares Lindita Nikolla.
