Ish-ministri i Brendshëm Saimir Tahiri ka apeluar ditën e sotme vendimin e Gjykatës së Krimeve të Rënda e cila e dënoi për akuzën “shpërdorim detyre”. Tahiri u dënua pak ditë më parë me 3.4 vite burg, por me gjykim të shkurtuar dënimi iu konvertua në shërbim prove.
Ish-ministri i Brendshëm pretendon se është i pafjashëm dhe se përsa kohë ka qenë në postin e ministrin nuk ka shkelur asnjë ligj. Ndërkohë, vendimi përfundimtar i Shkallës së Parë ende nuk është arsyetuar, por ankimi bëhet për të kapur afatin 15-ditor.
Më herët, Saimir Tahiri u akuzua se ka mbështetur grupin kriminal “Habilaj”, të cilët trafikonin lëndë narkotike në drejtim të Italisë. Tahiri u akuzua për trafik droge në bashkëpunim dhe grup të strukturuar kriminal, por këto akuza u rrëzuan në Gjykatë duke marrë dënimin vetëm për shpërdorim detyre./ Opinion.al E.Xh.
