Vladimir Putin i kundërpërgjigjet deklaratës së politikanes ruse, e cila iu bënte thirrje vajzave ruse të mos bënin seks me tifozët e huaj.
Putin nëpërmjet zëdhënësit të tij hodhi poshtë shqetësimet e Tamara Pletnyova duke thënë që ‘Femrat ruse janë më të mirat në botë dhe mund të vendosin vetë se çfarë të bëjnë. Të gjitha vendet akuzojnë njëri- tjetrin për racizëm, homofobi. Kjo nuk ka të bëjë fare me Kupën Botërore’.
Dy ditë më parë politikania ruse, Tamara Pletnyova foli për fëmijët e racave të përziera, të cilët lindën pas Lojërave Olimpike të vitit 1980 në Moskë.
Gjithashtu në atë periudhë sipas Tamaras Rusia regjistroi lindje të shumta të fëmijëve që u detyruan të rriteshin pa baba. Ata ishin fëmijë të tifozëve ose të atletëve, të cilët pas Lojërave Olimpike ishin kthyer në vendet e tyre.
Deklarata e politikanes nuk është pritur mirë nga opinioni publik për arsye se sipas njerëzve ajo po bën komente imorale ndaj fëmijëve të racave të përziera.
