Një grua 54-vjeç nga Kina, që është bërë e famshme për filantropinë në adoptimin e 118 fëmijëve, është dënuar me 20 vjet burg.
Li Yanxia u shpall fajtor në Gjykatën e Wu’an në provincën Hebei të mërkurën për grabitje, mashtrim, falsifikim dhe prishje të rendit publik.
Ish pronarja e jetimores, e cili dikur quhej “Nënë Dashuria”, u gjobit gjithashtu me 2.67 milion juanë (388.000 dollarë).
Pesëmbëdhjetë bashkëpunëtorë, duke përfshirë edhe të dashurin e saj, u dënuan gjithashtu.
Gjykata gjeti se Li Yanxia – e njohur gjithashtu si Li Lijuan – kishte “abuzuar me statusin e jetimores”.
Xu Qi, i dashuri i saj, u akuzua për prishje të rendit publik, zhvatje, mashtrim dhe lëndim të qëllimshëm. Ai mori një dënim prej 12,5 vjet burg dhe një gjobë prej 1,2 milion juan.
Disa nga 14 bashkëpunëtorët e tjerë kanë marrë dënime deri në katër vjet burg.
Li u bë e famshme në vitin 2006 pasi media publikoi faktin se ajo kishte adoptuar dhjetëra fëmijë në qytetin e saj të Wu’an, një qytet i vogël në krahinën e Hebei. Ajo u tha mediave se kishte qenë e martuar, por ishte divorcuar. Ish-burri i saj e kishte shitur djalin e tyre tek një trafikant për 7,000 juan, sipas saj. Ajo tha se ajo arriti të gjejë djalin e saj – dhe më pas ajo vendosi që të ndihmonte fëmijët e tjerë.
Gjatë viteve ajo u bërë një nga gratë më të pasura në Hebei. Dhe në vitin 1996, ajo bleu një kompani të minierave të hekurit.
Ajo vazhdoi të adoptonte dhjetëra fëmijë të tjerë dhe përfundimisht hapi një jetimore, të cilën e quajti ” Fshati i Dashurisë”. Për të u shkrua shpesh në media, duke përfshirë disa raporte se ajo kishte luftuar me kancerin dhe kishte shpenzuar gjithë pasurinë e saj.
Numri i fëmijëve nën kujdesin e saj arriti kulmin në vitin 2017 me 118 fëmijë. Ishte në atë vit që qeveria mori njoftime për aktivitete të dyshimta.
Në maj të vitit 2018, policia zbuloi se ajo kishte më shumë se 20 milionë juan dhe 20 mijë dollarë në llogaritë e saj bankare dhe automjete luksoze në pronësi si Land Rovers dhe Mercedes Benz.
Ata gjetën se ajo kishte kryer aktivitete të paligjshme që nga viti 2011.
54-vjeçarja u gjet gjithashtu se kishte fituar para me pretekstin e ndërtimit të “Fshatit të Dashurisë”. /Opinion.al
