Ky është momenti i shoqërimit në polici të 45-vjeçarit Xhemal Loka, i cili akuzohet se ka shtyrë drejt vetëvrasjes gruan e tij.
Me pranga në duar, Loka dërgohet në komisariatin e policisë së Durrësit, ndërsa akuzohet dhe për posedim të një arsenali armësh.
Si fillim u dyshua se 41-vjeçarja i kishte dhënë fund jetës si pasojë e bullizimeve ndaj saj në rrjetin social “Tik Tok”.
Mirëpo, hetimet ndaj vdekjes së Bedrie Lokes kanë marrë një tjetër rrjedhë pasi ditën e sotme uniformat blu kanë arrestuar bashkëshortin e saj, Xhemal Loken.
Policia ka njoftuar se nga hetimet e thelluara ka rezultuar se 45-vjeçari ka dhunuar psikologjikisht në mënyrë të vazhdueshme, bashkëshorten e tij, si dhe e kishte kërcënuar për ta vrarë me thikë, në prezencë të njërit prej fëmijëve.
