Në mënyrë të dyshimtë ata ishin transferuar në burgun e Avlona, në periferi të Athinës, një burg për të mitur. Fillimisht nga mediat helene u raportua se një shqiptar dhe një sirian u larguan nga ky burg, duke goditur një gardiane dhe më pas me atë të litarëve kanë mundur të dalin nga rrethimi.
Më pas një tjetër version, po nga mediat greke flet për dy të burgosur shqiptarë, pjesë e të ashtuquajturës mafia e Korydallos. Për këtë ngjarje ende nuk ka një reagim nga Ministria greke e Drejtësisë.
Si u bë arratisja
Gjithçka ka ndodhur rreth orës 21:40, me orën lokale. Ata kanë dalë nga qelia në mënyrë të dyshimtë dhe më pas kanë sulmuar një gardiane që po patrullonte jashtë burgut. Në tentativë për t’i ndaluar, gardiania ka rrëzuar në tokë një nga të burgosurit, por me ndërhyrjen e të arratisurit tjetër kanë mundur të shpëtojnë.
“Vlen të përmendet se janë kriminelë të rrezikshëm”, shkruajnë mediat greke. Njëri është 22 vjeç dhe është përfshirë në vrasjen e fundit të një të burgosuri 33-vjeçar në Korydallos, pasi një sherri në spitalin psikiatrik të burgut.
Në të njëjtën kohë, ai ka qenë i përfshirë në të ashtuquajturën “mafia e burgut”, në të cilën, sipas hetimeve anti-terroriste, kreu është Klodian Lekocaj. I riu ka qenë duke vuajtur dënimin për vrasje. Megjithatë, në vend që të dërgohej në burgje të sigurisë së lartë, ai u transferua në qendrën e paraburgimit për të mitur të Avlona.
Edhe i arratisuri i dytë dyshohet si i përfshirë në mënyrë aktive në të ashtuquajturën “mafia e Koridallos”. / Opinion.al
