Një 33-vjeçar shqiptar është ekstraduar nga Anglia në Greqi, ku do të vuajë dënimin e mbetur prej 15 vitesh burg.
Ai u arratis në vitin 2013 nga Prokuroria në Larisa të Greqisë, teksa efektivët po e shoqëronin në ashensor, pasi prokurorët kishin kërkuar 17 vite burg për të.
Pas arratisjes ai arriti të futej në Angli dhe prej vitesh ishte në kërkim derisa më në fund policia ra në gjurmët e tij.
Pas arrestimit për drogë, u zbulua se ndaj tij kishte dy urdhër-arreste dhe se ishte i dënuar me 17 vite burg në Greqi.
Ndërkohë, pas dy vitesh në burgun anglez, shqiptari tashmë i është dorëzuar autoriteteve greke.
