Thae Yong-ho është bërë i pari disident i Koresë së Veriut që ka fituar një vend në parlamentin e Koresë së Jugut.
Thae dikur ishte zëvendës ambasadori i Koresë së Veriut në Mbretërinë e Bashkuar, por u arratis në vitin 2016 me familjen e tij, duke u bërë zyrtari i rangut më të lartë të Koresë së Veriut që e ka bërë ndonjëherë këtë.
Ai ishte duke kandiduar si kandidati kryesor i Partisë së Ardhme të Opozitës së Bashkuar në rrethin e pasur Gangnam të Seulit.
Ai fitoi me 58.4% dhe u pa duke qarë pas shpalljes së fitores së tij.
Ai tha përpara fitores së tij se ai shpresonte që kandidimi i tij të dërgonte një mesazh tek elita në Korenë e Veriut se çfarë mund të ndodhte nëse ata i kthejnë shpinën regjimit.
“Dua t’u them atyre se ka një mënyrë të re për të ardhmen e tyre,” tha ai.
Koreja e Jugut zhvilloi zgjedhjet e saj parlamentare të mërkurën të cilat panë një pjesëmarrje rekord prej 66.2%, pavarësisht se votimi po zhvillohej në mes të shpërthimit të koronavirusit.
Partia e Presidentit Moon Jae-in, Partia Demokratike, shënoi një fitore bindëse, duke marrë 163 vende në Asamblenë Kombëtare me 300 vende. /Opinion.al
