Aktori amerikan me famë botërore Kevin Spacey, ka rezultuar i pafajshëm përballet 9 akuza të ngritura nga 4 burra për sulm seksual.
Ankuesi i parë ka akuzuar aktorin se fillimisht ai i kishte folur hapur për seksualitetin e tij, gjë që fillimisht e bëri të mos ndihej rehat. Më pas Kevin e kishte prekur në mënyrë të papërshtatshme duke arritur në kapje dhe prekje agresive. Ankuesi i dytë paraqet një histori të ngjashme të ndodhur në vitin 2005.
Në vitin 2015 i treti thotë se u takua me aktorin në teatrin Old Vic dhe shkoi tek ai për të kërkuar menaxhim. Kur u kthyen në banesën e Spacey-t pasi kishin pirë së bashku në pijetore ankuesi thotë se u zgjua nga prekjet e aktorit i cili abuzoi seksualisht me të.
Kevin Spacey shpërtheu në lot kur juria e një gjykate në Londër e shpalli atë të pafajshëm për nëntë akuza për sulm dhe ngacmim seksual të ngritura kundër tij nga katër burra.
Në ditëlindjen e tij të 64-të, ai u lirua nga të gjitha akuzat kundër tij.
Gjatë gjyqit, juria dëgjoi katër burrat që ngritën akuza kundër aktorit asnjëri prej tyre nuk mund të përmendet për arsye ligjore. Një nga akuzat, më e rënda, mund të dënohet edhe me burgim të përjetshëm.
