Shoferi i FNSH-së së Shkodrës që u arrestua tre ditë më parë si i përfshirë në trafikun e drogës ka dalë sot para togave të zeza ku është përgjëruar ta lironin pasi ka halle të mëdha familjare.
“Kam 21 vite shofer në FNSH. I kam shërbyer shtetit me zemër e me mendje. Kam gruan të sëmure dhe vajzën e sëmure po ashtu, me sëmundje të keqe në koke. Kam vajzën tjetër të vogël që s’ka kush ma çon në shtëpi. S’kam marre asnjë shpërblim. Kam shtëpinë pa pllaka. E ndjej veten shumë të renduar aq sa të vras veten. Janë akuza të shpifura. S’kam bukë në shtëpi. Edhe një shpërblim që mora kam shlyer borxhet dhe energjinë”, deklaroi ai para togave të zeza.
Ardian Loci është efektivi i dyshuar se dekonspironte aksionet policore në Shkodër për asgjësimin e kanabisit.
Ai nuk ka pranuar para gjykatës akuzat ndërsa ka shpërthyer në lot gjatë seancës, por trupi gjykues e la në “arrest me burg”.
Sipas prokurorisë ai pjesë e një grupi kriminal që merrej me mbjelljen dhe shitjen e kanabisit, ndërsa deri tani janë arrestuar 18 persona.
