Sikurse edhe herët e tjera edhe seanca e sotme në Kuvendin e Shqipërisë u zhvillua mes kasosit dhe tymueseve. Opozita nuk është tërhequr nga aksioni i saj i ndërmarrë për atë që ata e cilësojnë si shkelje të të drejtave të tyre kushtetuese.
I pranishëm në seancë këtë të hënë ka qenë edhe kryeministri Edi Rama, i cili ka votuar pro për të gjitha projektligjet që ishin në rend dite, më i rëndësishmi ndër to ai për buxhetin për vitin 2024.
Menjëherë pas mbylljes së seancës, që zgjati vetëm 5 minuta, Rama është larguar. Ai fillimisht ka përdorur përshëndetjen ushtarake edhe më pas “OK” ndaj deputetëve të opozitës.
Rama shfaqet teksa largohet qetësisht nga salla pasi deputetët opozitarë hodhën tymuese në Kuvend, njëra prej të cilave shpërtheu në flakë.
U desh ndërhyrja e Gardës për të shuar flakët.
