Sekretariati i Etikës vendosi përjashtimin e tre deputetëve të opozitës për 10 ditë nga Kuvendi.
Sekretariati i Etikës u mblodh online në orën 15:00 për të diskutuar mbi kërkesën e mazhorancës, të cilët kërkuan masë disiplinore për 3 deputetë të opozitës për kaosin e krijuar dje në Kuvend.
Në një letër drejtuar Kuvendit, PS kërkoi masë disiplinore ndaj Saimir Korreshit, Elda Hotit dhe Lindita Metaliajt.
Në kërkesë theksohej se Korreshi u pa duke marrë disa tymuese në çantat e dy deputeteve dhe më pas i ndezi ato.
Kujtojmë se seanca e djeshme plenare nuk zgjati më shumë se 20 minuta pasi opozita përmbysi karrige, lëshoi tym në sallë dhe krijoi zhurmë në Parlament./Opinion.al
