Është shoqëruar me debate dhe replika seanca e sotme plenare në Kuvendin e Shqipërisë. Deputeti i PD-së, Edmond Spaho iu drejtua Spiropalit duke i thënë se ty nuk të vret njeri pasi nuk vlen.
Kjo deklaratë e tillë solli dhe reagimin e ministrit të Drejtësisë Ulsi Manja. Manja tha me ironi: Faleminderit zoti Spaho që po na i kursen Elisën.
“Edhe unë për gjuhën e përdorur në këtë sallë e mora fjalën. Faleminderit zoti Spaho që po na i kursen Elisën. Na trego kë keni në plan për të vrarë se ishim dëshmitarë të një platforme dhune mbi shtetin, mbi institucionet, mbi biznesin mbi jetën e qytetarëve shqiptarë. Këtë e bën një njeri që ka shërbyer edhe si president dhe kryeministër dhe ju e mbroni problem. Për shqiptarët mendoj që është fat që e kemi këtu, sepse për të qenë një njeri që flet për dhunë duhet ta kujtojnë shqiptarët se me atë dhunë nuk do votojnë. ‘Rri rehat zonja Spiropali se nuk do ju vrasim’- turp!”- tha Manja.
