Twitter do t’ju ç’verifikojë nëse nuk zbatoni rregullat

Twitter ka përditësuar rregullat për profilet e verifikuara, duke fituar të drejtën për të hequr grepin ngjyrë blu në çdo kohë, pa paralajmërim.
Grepi u prezantua fillimisht për të treguar se përmbajtja e një profili që shfaq interes është autentike, por Twitter vuri re se kjo po keqinterpretohej nga përdoruesit.
“Verifikimi po perceptohet si miratim. Ne u kemi dhënë profileve të verifikuara rëndësi vizive në shërbim, gjë që e thellon këtë perceptim,” ka shkruar kompania në Twitter.
“Ne po punojmë për një program të ri të verifikimit dhe autentifikimit. Ndërkohë, ne nuk pranojmë ndonjë parashtrim publik për verifikim dhe kemi prezantuar udhëzime të reja për programin.”
Twitter ka përditësuar udhëzimet e reja, duke deklaruar se do të heqë verifikimin nga të gjitha llogaritë të cilat nuk zbatojnë rregullat e reja.
Këtu përfshihen llogaritë që promovojnë urrejtjen, racizmin, diskriminimin etnik, seksual, fetar, moshor etj. Organizatat dhe personat publikë që përdorin gjuhën e urrejtjes rrezikojnë të humbasin verifikimin.