“Rusia do të mbrojë kurdët në Siri. Çdo ofensivë tokësore nga ana e Turqisë do të tërbojë rusët duke filluar ndoshta Luftën e Tretë Botërore”, kështu është shprehur kreu i kurdëve të Sirisë Rodi Osman i cili ka qenë në një vizitë në Moskë.
Ai ka thënë se ka një pakt të fortë me rusët.
Sipas tij rusia është gati të godasë Turqinë nëse këta të fundit sulmojnë kurdët.
Një përshkallëzim i konfliktit që padyshim do të çonte në një luftë globale.
Osma ka shkuar më tej duke zbuluar planet ruse në Siri.
“Rusia do të reagojë ndaj çdo mësymje tokësore, qofshin rusët apo sauditët. Rusia është e gatshme të nisë një luftë për të mbrojtur sovranitetin e Sirisë. Ne po luftojmë bashkarisht për çlirimin e Sirisë dhe do të fitonim më shpejt luftën nëse nuk do të na pengonte Turqia”, është shprehur Osman.
Frika e madhe e Turqisë është se ndoshta forcimi i rebelëve kurdë në Siri mund të çojë në krijimin e një shteti autonom kurd duke i hapur probleme Turqisë.
Dhe për këtë arsye prej ditësh po sulmon qytetin sirian të Azaz ku ka shumicë kurde.
