Një aeroplan pasagjerësh doli nga pista në një aeroport të Turqisë, duke u ndarë në tri pjesë. Deri tani bëhet e ditur se një person ka ndërruar jetë.
Ministri i Shëndetësisë i Turqisë, Fahrettin Koca, tha 157persona janë plagosur. Incidenti ndodhi në Aeroportin Sabiha Gokcen të Stambollit.
Në bord gjendeshin 171 pasagjerë dhe gjashtë anëtarë të ekuipazhit. Shumica e udhëtarëve ishin turq, ndërsa rreth 20 prej tyre të huaj.
Shkak për daljen e avionit nga pista mendohet të kenë qenë rreshjet e dendura të shiut, pasi fluturoi nga provinca perëndimore e Izmirit. Zjarrfikësit dhe ekipet e urgjencës u dërguan menjëherë në vendngjarje./Opinion.al
