Policia në Turqinë juglindore, tha se nga shpërthimi i një makine bombë në qytetin Van janë plagosur të paktën 48 vetë.
Shpërthimi ndodhi në një zonë midis zyrave të partisë në pushtet AKP dhe zyrës së guvernatorit. Ende nuk dihet se kush është përgjegjës për bombën, shkruan VOA.
Shpërthimi vjen një ditë pasi qeveria shkarkoi 28 kryetarë komunash në juglindjen kryesisht kurde, për shkak të lidhjeve të dyshuara me Partinë e jashtëligjshme të Punëtorëve të Kurdistanit.
Pas këtij vendimi pati protesta të shumta por presidenti Rexhep Tajip Erdogan tha se zyrtarët duhet të ishin shkarkuar shumë kohë më parë.
