Ditën e djeshme takimi i presidentit Trump dhe mbretëreshës Elizabeth mori vëmendjen e të gjithë mediave. Shumë fotografi u bënë publike, shoqëruar me përshkrime ku shpjegohej si shkoi takimi i tyre. Sigurisht nuk mund të mungonte edhe një foto tipike liderësh, ku në korridorin e shtëpisë së mbretëreshës pozuan duke buzëqeshur Melania Trump e veshur me një kostum ngjyrë qumështi, mbretëresha Elizabeth me një fustan dhe kapelë bojëqielli, dhe presidenti i Shteteve të Bashkuara me një kostum blu të thellë dhe kollare me vija.
Të tre dukeshin mjaft mirë, por në fotografinë zyrtare dukej edhe një objekt që nuk duhej të ishte aty. Në anën e djathtë të fotos shihet një tas ushqimi për qentë, që më siguri i përket Vulcanit ose Candy-t, dy qentë e mbretëreshës të racës dachshund dhe corgi.
Punëtorët e familjes mbretërore kanë nxituar ta korrigjojnë gabimin më pas, dhe e kanë hequr tasin. Mbretëreha pasi ka përcjellë Trump-in dhe zonjën e parë të Shteteve të Bashkuara, ka takuar mbretin Filip dhe mbretëreshën Matilde të Belgjikës. Ata kanë pozuar në të njëjtin vend, por tasi nuk është më aty.
Takimi i djeshëm ishte mjaft i komentuar, që nga sjelljet që Trump bëri apo nuk bëri kur takoi mbretëreshën, e deri te bisedat e tyre./Opinion.al
