Napoli është turpëruar në Torino duke humbur me rezultatin e thellë 3-0 dhe pas kësaj disfate, kampionët në fuqi të Italisë rrezikojnë pjesëmarrjen në kupat e Europës për sezonin e ardhshëm.
Sanabria, Vlasic dhe Buongiorno ishin autorët e golave për Torinon, që e sheh veten tashmë në vendin e 10 të renditjes, një pikë më pak sesa Napoli.
Në ndeshjen tjetër të drekës së Serisë A, Lazio mposhti me shumë vështirësi Udinesen në transfertë. 2-1 rezultati për lacialët, me golat e shënuar nga Pellegrini dhe Vecino.
