Gjetja e fuqisë punëtore të kualifikuar është sfidë edhe këtë vit për bizneset turistike. Flukset turistike në rritje dhe shtimi i strukturave akomoduese kanë shtuar nevojën për staf.
“Kërkesat janë të mëdha. Disa e kanë urgjencë”, shprehet Rrahman Kasa.
Në këtë periudhë, përveç kërkesës së zakonshme për kamarierë dhe kuzhinierë, bizneset po hasin vështirësi edhe në gjetjen e stafit për pozicione menaxheriale. Për të mbushur vendet e lira, shumë biznese zgjidhjen e gjejnë tek punonjësit e huaj.
“Nga Azia, por dhe vendet latine”, thotë Rrahman Kasa.
“Nuk është zgjidhje”, shprehet Gertjana Hasalla.
Ekspertja e punësimit, Gertjana Hasalla thotë se fokusi duhet vendosur tek kushtet e punës. Për të tërhequr dhe mbajtur punonjësit vendas kërkohen përmirësime të shpejta në politikat e punësimit dhe mundësi më të mira për zhvillim profesional./ Tv Klan
