“A dështuam me turizmin këtë vit” është tema që po diskutohet në emisionin “Opinion”, duke bërë një analizë me të ftuarit që nga numri i turistëve që erdhën gjatë sezonit veror në vendin tonë, çmimet deri te cilësia e shërbimit.
Në lidhje më këtë temë ka folur në studio, Elona Kola, autore e “When in Albania”. Ajo ka treguar eksperiencën e saj nga terreni, duke u shprehur se çmimet ishin një shqetësim i madh, duke ndikuar kështu në uljen e vizitorëve në periudhën e korrikut dhe gushtit.
“Pjesa e çmimeve është përfolur dhe ka qenë shqetësim gjithandej. Kam parë nja dy special edition që ju keni bërë, e vetë e vura re që plazhi në korrik e gusht kishte turistë më pak se vjet. E në bare e restorante vihej re, nga pikëpamja se u rritën çmimet. Kjo qytetarët i shqetëson nga të gjitha aspektet”, tha ajo.
Për turistët e huaj bëri një ndarje, ata të cilët e kanë vizituar vendin tonë për shkak të reklamimit së çmimeve të ulëta, si dhe së dyti ata që kishin kureshtje për Shqipërinë.
“Të huajt, nuk mund ti fusim të gjithë në një thes. Të huajt, të paktën që kam takuar unë, janë të huaj turistët që kanë një kuriozitet të madh, që duan të shikojnë Shqipërinë. Nga pyetjet që bëja në intervistat në rrugë, i vura vetes si qëllim. Pse Shqipëria e pse tani? Pse po vini tani? Ata thoshin ishte e lirë, jo shumë e kushtueshme. Këta turistë kishin disa qëllime të caktuara, e kjo ishte e para. Kurioziteti ishte e dytë. Mikpritja, historia, kultura, kategoria tjetër. Pjesa e kulturës, ata më shumë nga të gjitha vlerësonin Thethin, Beratin, Gjirokastrën. Plazhin jo se nuk e duan, por varet nga cila anë e botës vijnë. Kategoria tjetër janë ata që kanë ardhur të jetojnë në Shqipëri. Këta, sidomos amerikanët që kanë vendosur të jetojnë në Shqipëri për një vit, e të tjerë që duan të rrijnë tre muaj, digital nomads, këta kanë një rritje të jashtëzakonshme. Këta nuk vijnë për turistë, por shfrytësojnë facelitete, hotele, Air BnB, para se të marrin një shtëpi dhe bëjnë një turizëm të paparë”, tha Kola.
