Në këtë fotografi, Olga Solomomina, një turiste në Ukrainë ka pozuar pranë një luani që ndodhej në kopështin zoologjik Taygan Safari Park. Njësoj siç e instruktuan, ajoi ka qëndruar prapa luanit dhe i ka vënë dorën mbi kokë, por vetëm pak minuta më vonë do të përjetonte horrorrin.
Pas momentit të fotografisë, luani i kthehet dhe i ngul dhëmbët të krahu, e filloi ta tërheqë zvarrë si kukull lecke.
“Luanët e tjerë u ngritën të gjithë në këmbë e filluan të afroheshin. Mbylla sytë nga frika dhe po prisja që tufa t’më shqyente,” kujton 46 vjeçarja.
“Zgjati disa sekonda por mu duk si një përjetësi.”
Mirëmbajtësi i kopështit zoologjiktë ndodhur në zonën e Krimesë, Oleg Zubkov, menjëherë i ka ardhur në shpëtim turistes duke i ndjekur luanët nga pas e duke i gjuajtur me shapkë. Olga më pas është dërguar menjëherë në zyrat e kopështit zoologjik.
Ajo tregon se pavarësisht plagëve të rënda, ja mbështollën krahun vetëm me peshqir dhe e trajtuan me mjete veterinarie, dhe më pas i kishin kërkuar të mos e njoftonte policinë apo ambulancën sepse plagët nuk ishin të rënda.
“Në vend të antibiotikut më dhanë konjak. Nga dehja, sapo arrita në shtëpi fjeta direkt gjumë. 24 orët në vazhdim gjendja mu përkeqësua dhe dhimbjet po shtoheshin. Kur temperatura mu rrit mbi normalen njoftova ambulancën.”
Mjekët e diagnostikuan Olgën me një infeksion serioz të shkaktuar nga kafshimi.
Nikolai Vlasov, zëdhënësi i spitalit ku u trajtua tha se infeksioni ishte i rrezikshëm dhe u desh që ajo të operohej.
“Gjëndja e saj shëndetësore u përmirësua por nuk dihet ende nëse do të mund ta përdori sërish krahun,” përfundoi ai.
Në mbrojtjen e tij, mirëmbajtësi i kopështit zoologjik tha se kafshimi nga luani erdhi për faj të Olgës. Sipas tij, ajo erdhi e pirë dhe u përpoq ta mbyste.
“Luanit nuk i ka pëlqyer aroma e alkoolit që ka ndjerë në frymën e turistes,” tha ai në mediat lokale.
Parku Safari u gjobit më rreth 13 mijë euro si kompensim që kërkoi vizitorja, që në këmbim ajo të firmoste një deklaratë ku prnonte se kopështi zoologjik nuk është i rrezikshëm./Opinion.al
