Turisti 67 vjeçar që humbi jetën në Llogara kishte injektuar adrenalinë përpara aksidentit. Provat janë gjetur në vendin e ngjarjes: Shiringa me adrenalinë dhe një sasi monedhash, euro.
Turisti 67-vjeçar me inicialet A.T., ra në humnerë teksa ishte duke zbritur nga mali i quajtur “Maja e qorres” në drejtim të Llogarasë. Me sa duket, për të shijuar në maksimum aventurën, turisti dyshohet se ka injektuar adrenalinë.
Ngjarja ndodhi më 22 tetor, rreth orës 13:34, kur 9 turistë francezë në zbritje të malit “Maja e qorres” në drejtim të Llogarasë, njoftuan se njëri prej tyre është rrëzuar dhe ka marrë dëmtime në trup. Për shkak të plagëve të rënda të marra në kokë, turisti francez ka ndërruar jetë gjatë rrugës që po transportohej me barrelë në një terren të thepisur nga forcat e policisë. /BW
