Kryeministri i vendit, Edi Rama do të vijojë në Milano të Italisë turin e tij me diasporën që do të mbahet ditën e sotme në orën 11:00.
Takimi do të mbahet në pallatin e sportit Maria Piantanida në qytezën e Varezes, pranë Milanos.
Në një postim në rrjetet sociale, kryeministri ndau me ndjekësit një video që pasqyronte punimet e bëra në stadiumin e Milanos në përgatitje për eventin.
Rama shtoi se ky stadium ka më shumë kapacitete se ai i Athinës, duke indikuar se pjesëmarrja në Itali do të jetë edhe më e madhe.
“Mirëmëngjes dhe nga Rinasi ku po nisemi për vallen e dytë kuqezi në Europë, me shqiptarët e Italisë që sipas kërkesës së tyre do t’i mikpresim në një pallat sporti edhe më të madh se në Athinë, me shpresën që askush nuk do të mbetet pa gjetur vend siç fatkeqësisht na ndodhi në Greqi, ju uroj të gjithëve një të diel sa më të mbarë.”
Linku i videos:
