Qytetari Qani Kapaj nga Patosi tregon për emisionin “Stop” në Tv Klan se ka një problem me numrin e pasurisë. Qaniu ka marrë certifikatën në vitin 2012, por sipas numrit të pasurisë, banjoja i del te pallati ngjitur. Denoncuesi tregon se ka trokitur kudo dhe vetëm e kanë sorollatur.
Vetë bashkia verifikoi situatën dhe vërtetoi se banjoja fizikisht është në shtëpinë e tij dhe jo në atë që figuron e regjistruar në kadastër. Edhe tre banorë të tjerë referojnë të njëjtin shqetësim.
Fation Duro, kryetar i bashkisë Patos, thotë se do të verifikohen edhe njëherë dosjet e privatizimit të apartamenteve dhe do përpiqet që në bashkëpunim me kadastrën, t’u japin zgjidhje problemit të qytetarëve./tvklan.al
