Kandidati Republikan për President, Donald Trump, ka tërhequr sërish vëmendjen e mediave pasi e ka quajtur kandidaten demokrate, Hillary Clinton si “kandidaten më të korruptuar në SHBA”.
Trump ka thënë se rivalja e tij për Shtëpinë e Bardhë është një “gënjeshtare e klasit botëror”, që ka përsosur aftësitë e saj në “politikën e fitimit”, ndërkohë që ishte sekretare e shtetit.
Këto fjalë kanë ardhur pas deklaratës së Clinton, e cila thoshte se Trump do të thotë “zgjedhje të rrezikshme dhe se ai nuk ka përvojë politike për të qenë President i SHBA”.
Ndër të tjera ai ka shtuar se Hillary Clinton refuzon të njohë kërcënimin që vjen nga terrorizmi radikal islamik. Nuk ka mjaftuar me kaq, por Trump ka vazhduar duke cituar në një libër anti-Clinton, të shkruar nga një komentator konservator.
“Ish-sekretarja e shtetit i ka duart e përlyera me gjak dhe duhet të shkojë në burg për të paguar krimet që ajo ka bërë ne vend”. Këto fjalë mendohet të jenë shkruar në një letër nga e veja e një oficeri të policisë, të vrarë nga një emigrant ilegal./tvklan.al
