Thesari i SHBA-së ka urdhëruar që emri i Donald Trump të shtypet në çeqet që do t’i dërgohen dhjetëra miliona amerikanëve të prekur nga shpërthimi i koronavirusit. Ky vendim do të ngadalësojë shpërndarjen e tyre për disa ditë, sipas Washington Post.
Duke përmendur zyrtarë në Shërbimin e të Ardhurave të Brendshme (IRS), Washington Post raportoi se çeqet prej 1.200 dollarë – të cilët janë pjesë e një pakete prej 2.3 trilionë dollë e miratuar muajin e kaluar për të lehtësuar goditjen ekonomike nga pandemia – do “mbajnë emrin e Trumpit, nën një rresht që lexon, “Pagesa e Ndikimit Ekonomik”. ”
Shtëpia e Bardhë dhe Departamenti i Thesarit nuk u përgjigjën menjëherë kërkesave të Reuters për koment, por Washington Post tha që zyrtarët e Thesarit kundërshtuan që çeqet do të vonoheshin.
The Post tha se “vendimi i paprecedentë” për të përfshirë emrin e Trump u njoftua nga ekipi i teknologjisë së informacionit IRS të Martën.
“Ekipi, duke punuar nga shtëpia, tani po punon për të bërë një ndryshim programimi që dy zyrtarë të lartë thanë se ka të ngjarë të çojë në një vonesë në lëshimin e serisë së parë të çeqeve,” thanë ata.
Trump po kërkon rizgjedhjen si president i SHBA në nëntor. /Opinion.al
