Ashtu sikurse ishte paralajmëruar, Donald Trump menjëherë pasi është betuar si presidenti i 45-të i Shteteve të Bashkuara, ka shkarkuar të gjithë ambasadorët e vendit në shtete të tjera, duke lënë vendet vakant.
Trump i kishte kërkuar të gjithë ambasadorëve në të gjitha vendet e botës, që ishin emëruar nga ish presidenti Barack Obama, të largoheshin nga zyrat e tyre pra mesditës së 20 janarit.
Ekipi i tij i tranzicionit kishte thënë më 23 dhjetor se nuk do të kishte “përjashtime” për ambasadorët të emëruar politikisht.
Në të kaluarën administratat e dy palëve kanë lejuar që ambasadorët, kryesisht ata me fëmijë në moshë shkollore, të qëndrojnë në vend për disa javë apo muaj më shumë, por Trump i ka shkarkuar ata madje pa patur asnjë zëvendësues.
Kujtojmë se Donald Lu nuk bën pjesë në listën e ambasadorëve të shkarkuar, pasi është ambasador karriere dhe jo i emëruar politikisht nga administrata Obama.
Sipas “The Independent”, Trump ka shkarkuar njëherësh gati 80 ambasadorë në shtete, agjenci dhe çështje të ndryshme, të tilla si ambasadori për çështjet globale të grave, etj./ opinion.al
