Ish-Presidenti amerikan Donald Trump ka reaguar pas 3 ditësh për vdekjen e liderit të opozitës ruse, Alexei Navalny.
Edhe pse një reagim i vonuar, republikani nuk e përmendi Presidentin rus Putin në shkrimin e tij.
Kujtojmë se Putin është akuzuar nga liderët perëndimorë për vdekjen e Navalnyt.
“Vdekja e papritur e Navalny më ka bërë gjithnjë e më shumë të vetëdijshëm për atë që po ndodh në vendin tonë. Është një proces i ngadaltë, me politikanë, prokurorë dhe gjyqtarë radikalë të majtë që na çojnë në rrugën drejt shkatërrimit”, ka shkruar Donald Trump në rrjetin e tij social “Truth”./Opinion.al
