Gjatë këtyre ditëve, kureshtja është rritur së tepërmi rreth bisedimeve të Presidentit të SHBA dhe homologut të tij rus, Putin. Gjatë telefonatës 2 orëshe, kreu i Shtëpisë së Bardhë ka zbuluar disa detaje për publikun.
Mes bisedave për negociatat e paqes për luftën në Ukrainë dhe tregtinë Rusi-SHBA Trump tha se Putin kishte përmendur edhe Zonjën e Parë, Melania duke shprehur admirim për 55-vjeçaren.
“Amerika është me fat që ka një Zonjë të Parë kaq të përkushtuar. Më lejoni t’ju them se ajo është me të vërtetë një person shumë i dedikuar. Dëgjoni çfarë më tha Putin. ‘Ata e respektojnë shumë gruan tuaj’. Unë i thashë ‘Po unë?’ Jo, atyre u pëlqen më shumë Melania. Kjo nuk ishte mirë. Nuk e di nëse kjo ishte mirë, por jam në rregull me këtë”, është shprehur Presidenti Trump.
Këtë deklaratë Presidenti amerikan e bëri në Kopshtin e Trëndafilave të Shtëpisë së Bardhë, në një ceremoni nënshkrimi të projektligjit “Hape It Down” që ka të bëjë me kriminalizimin e ndarjes së imazheve intime pa pëlqim.
Ligjit i ri detyron platformat e mediave sociale të heqin imazhe të tilla brenda 48 orëve kur kërkohet nga viktima. Tv Klan
