Zonja e parë Melania Trump ka reaguar për fitoren e partnerit të saj Donald Trump, i cili u rizgjodh Presidentin i SHBA-së.
Përmes një postimi në rrjete sociale, ajo thotë se administrata Trump do të mbrojë lirinë, të cilën ajo e përshkroi si “zemra e republikës sonë”.
“Shumica e amerikanëve na e kanë besuar këtë përgjegjësi të rëndësishme.
Ne do të ruajmë zemrën e Republikës sonë – lirinë. Unë pres që qytetarët e kombit tonë të ribashkohen në përkushtimin ndaj njëri-tjetrit dhe të ngrihen mbi ideologjinë për hir të lirisë individuale, prosperitetit ekonomik dhe sigurisë.
Energjia, aftësia dhe iniciativa amerikane do të bashkojnë mendjet tona më të mira për ta çuar kombin tonë përpara përgjithmonë”, shkruan ajo në rrjetin social “X”.
