Në plafromën e tij të rrjeteve sociale, Truth Social presidenti amerikan Donald Trump ka bërë një deklaratë të bujshme, duke pohuar se një marrëveshje paqeje mes Iranit dhe Izraelit është e afërt.
“Irani dhe Izraeli duhet të arrijnë një marrëveshje, dhe do ta arrijnë,” shkroi Trump.
“Ashtu siç i bëra Indinë dhe Pakistanin të arrinin marrëveshje”, shtoi ai, duke iu referuar pretendimeve të tij për ndërmjetësim diplomatik gjatë mandatit.
“Do të kemi paqe, së shpejti mes Izraelit dhe Iranit! Janë duke u zhvilluar shumë thirrje dhe takime,” theksoi Trump.
“Unë bëj shumë, por kurrë nuk marr meritat për asgjë, por kjo është në rregull, populli e kupton. Ta bëjmë Lindjen e Mesme të madhe sërish”, mbylli postimin Donald Trump.
Kjo deklaratë vjen në një kohë tensionesh të shtuara në Lindjen e Mesme, mes konflikteve të përsëritura ndërmjet Izraelit dhe Iranit, që kanë ngritur shqetësime për përshkallëzim rajonal.
Ndërkohë, as Irani dhe as Izraeli nuk kanë reaguar zyrtarisht ndaj pretendimeve të Trump, ndërsa ekspertët diplomatikë kanë shprehur skepticizëm për mundësinë reale të një marrëveshjeje në një afat të afërt. Bombardimet e ndërsjellta mes Izraelit dhe Iranit vijojnë prej tre ditësh. Në Iran janë më shumë se 200 viktima nga sulmet raketore, ndërsa në Izrael kanë humbur jetën 13 persona.
