“Joe Biden është një kërcënim për demokracinë dhe një kërcënim për mbijetesën dhe ekzistencën e vetë vendit tonë.” Kështu ka shkruar Donald Trump në rrjetin e tij social “True” pak orë para duelit televiziv me presidentin amerikan.
Në orën 2:30 me orën shqiptare dy kandidatët për Shtëpinë e Bardhë do të përplasen live në debatin televiziv në CNN, në kuadër të zgjedhjeve presidenciale të nëntorit në Shtetet e Bashkuara të Amerikës.
Ky është debati i parë presidencial i këtij sezoni zgjedhor, i cili do të hyjë histori si debati i parë midis një presidenti në detyrë dhe një ish-presidenti, ku pritet të trajtojnë një sërë çështjesh.
Debati do të jetë gjithashtu ngjarja më e hershme e tillë në historinë e SHBA-së. Debatet presidenciale televizive midis kandidatëve për zgjedhjet e përgjithshme kanë filluar gjithmonë në shtator ose në fillim të tetorit.
