Presidenti i Amerikës, Donald Trump ka dalë në një deklaratë për shtyp pas sulmit që Irani ka bërë mbi bazat e ushtrisë amerikane në Irbil dhe Al Asad, në perëndim të Bagdadit.
Trump u shpreh se nga sulmi i mbrëmshëm i regjimit iranian janë shkaktuar vetëm disa dëme materiale por asnjë ushtar amerikan nuk është dëmtuar. Presidenti amerikan theksoi se ushtria e Amerikës është e gatshme të përballojë çdo gjë teksa e cilësoi Iranin si financues kryesor të terroristëve.
“Ditët e fundit Solemeini po planifikonte sulme të tjera dhe objektivat ishin amerikane, por ne e ndalëm atë. Duart e tij ishin të përlyera me gjak amerikan dhe Iranian. Ai duhej të ishte ekzekutuar para shumë kohësh. Duke hequr Solemeinin ne kemi dërguar gjithashtu një mesazh të rëndësishëm tek terroristët që të vlerësojnë jetën e tyre dhe të mos rrezikojnë jetën e njerëzve tanë. SHBA do të vendosë sanksione ekonomike mbi regjimin e Iranit. Këto sanksione të fuqishme do të mbeten deri në momentin që ata ndryshojnë qëndrim. Në marrëveshjen nukleare të 2013 Iranit i janë dhënë 150 bilion dollar për të mos përmendur 1.8 bilion në kesh. në vend që të na falenderojnë ata brohorasin vdekje Amerikës.” tha ndër të tjera Trump.
