Presidenti i SHBA-së, Donald Trump deklaroi se mënyra më e shpejtë për t’i dhënë fund krizës në Gaza është që Hamasi të dorëzohet.
Përmes një postimi në Truth Social, Trump u shpreh se Hamasi duhet të dorëzojë të gjitha pengjet izraelite.
“Mënyra më e shpejtë për t’i dhënë fund krizës humanitare në Gaza është që Hamasi të dorëzohet dhe të lirojë pengjet”, shkruan Trump.
Ndërkohë, në Gaza vijon që çdo ditë të vriten civilë, të cilët njëkohësisht po vuajnë edhe nga uria. Vetëm gjatë 24 orëve të fundit, janë vrarë mbi 65 qytetarë, të cilët ishin në pritje të ndihmave.
