Ministri i Punëve të Jashtme të Serbisë, Marko Gjuriç, u bëri thirrje serbëve në Kosovë që të gjejnë forcë në vetvete dhe të ruajnë unitetin për tu përballur me regjimin e Kurtit.
Në një interviste për Radio Televizionin Serb, Gjuriç tha se shpreson se shkelja e të drejtave të popullit serb në Kosovë do të ndalet duke sulmuar drejtpërdrejt kryeministrin Albin Kurti.
“Është domethënëse dhe i bëj thirrje bashkatdhetarëve tanë që të gjejnë forcë në vetvete dhe të ruajnë unitetin dhe të kuptojnë rëndësinë e të qenit të përfaqësuar brenda regjimit të Kurtit. Lista serbe është tashme një mjet për luftën për të drejtat kolektive serbe në Kosovë, sepse me të do të tregojmë se Serbia dhe serbët nuk tërhiqen”, tha Marko Gjuriç, ministri i Jashtëm.
Gjuriç theksoi se partneriteti strategjik, përkatësisht dialogu strategjik ndërmjet Serbisë dhe SHBA-së, është i një rëndësie të madhe për pozitën e Serbisë.
“Me SHBA-në do të vendosim rregullsi në shkëmbimin e institucioneve tona në fushën e teknologjisë, arsimit, kulturës… Do të kemi bashkëpunim të fortë në ekonomi, në fushën e sigurisë, në çështjet e politikës së jashtme ku jo gjithmonë jemi dakord. , por ne kemi hyrë në sirtarin e vendeve mike me Amerikën”
I pyetur nëse Serbia mund të jetë ndërmjetëse për takimin mes presidentit te zgjedhur te SHBA, Donald Trump dhe atij rus Vladimir Putin, pas deklaratës së presidentit Vuçiç se vendi i tij është i gatshëm të bëj një pritje të tillë, edhe Gjuriç thotë se është e mundur.
“Beogradi mund të jetë një mikpritës i mire për takimin mes Donald Trump dhe Vladimir Putin. Besoj se mund të luajmë një rol të vogël, por jo të parëndësishëm dhe këtë ua ofrojmë partnerëve tanë”
Ndërsa i pyetur se cilat janë pasojat e sanksioneve ndaj kompanive ruse ne Serbi, Gjuriç thotë se ato nuk prekin vetëm Beogradin por kompanitë në dhjetëra vende, edhe pse për një veprim te tille qeveria serbe do te hyj ne bisedime me SHBA-te.
