Presidenti amerikan Donald Trump dhe ish-zëvendëspresidenti i Obamas, Joe Biden kanë zhvilluar telefonike, për të diskutuar mbi luftën kundër Covid-19.
Presidenti Trump tha se ai mirëpriti mendimet e Joe Biden-i për luftën kundër pandemisë. gjatë bisedës së tyre 15-minutëshe dhe se e vlerëson kontributin e tij.
“Ai kishte sugjerime, nuk do të thotë që jam dakord me ato sugjerime, por biseda ishte miqësore” u shpreh presidenti, teksa shtoi se ai dhe Biden ranë dakord që të mos flasin në media për përmbajtjen e telefonatës së tyre.
Kjo telefonatë është një moment i rrallë i komunikimit të drejtpërdrejtë midis dy rivalëve politikë që me shumë gjasa mund të përballen dhe në zgjedhjet e ardhshme presidenciale, pasi Joe Biden mund të zgjidhet si kandidati nga Partia Demokratike.
Presidenti Trump ka kritikuar ashpër Bidenin për muaj të tërë, dhe përpjekjet e Trumpit për të bërë presion në Ukrainë për hapjen e një hetimi ndaj Biden dhe djalit të tij, Hunter Biden, ishte katalizatori për fillimin e procedurave të shkarkimit të presidentit.
Sakaq, Biden ka kritikuar mënyrën se si Trump po përballet me pandeminë e koronavirusit, duke thënë se administrata ishte shumë e ngadaltë për të adresuar krizën që në fillim. Ai gjithashtu ka thënë se Trump duhet të ndalojë së foluri dhe të dëgjojë ekspertët./Opinion.al
