Së paku një paragraf në fjalimin e Melania Trump të mbajtur të hënën mbrëma në Konventën Nacionale Republikane është plagjiaturë nga fjalimi i Michelle Obamas, i mbajtur vite më parë në Konventën Nacionale Demokratike më 2008.
Krahasimet një-për-një të transkripteve tregojnë se teksti i zonjës Trum është, pothuajse fjalë për fjalë, i njëjtë me atë të zonjës së parë aktuale amerikane në natën e parë në konventën e Demokratëve në Denver rreth 8 vjet më parë./koha.net
Fjalimi i zonjës Trump, që do të ishte prezantimi i saj para votuesve, u zbeh nga kontradiktat. Ai përqendrohej në migrimin e saj në SHBA dhe dashurinë ndaj bashkëshortit të saj.
Një zyrtar Republikan, i afërt me fushatën dhe përgjegjës për fjalimet, ka thënë se disa ndihmës të lartë kanë pasur rol në fjalimin e saj, të cilët e kanë edituar atë, kanë propozuar ndryshime dhe ofruar udhëzime.
Nga kampi i Trumpit u lëshua një komunikatë për fjalimin pas zbulimit të ngjashmërive, por asnjëherë nuk u përmend akuza për plagjiaturë.
