Nata elektorale ka mbaruar dhe një ditë historike ka nisur për republikanët dhe Donald Trump. Ky i fundit ka fituar besimin e zgjedhësve duke u bërë Presidenti i 47-të i Shteteve të Bashkuara.
Po çfarë kishte Trump ndryshe nga viti 2020?
-Erdhi më i fortë se para 4 vitesh
Edhe pse humbi ndaj Joe Biden me një diferencë relativisht të vogël në vitin 2020, në këto zgjedhje Trump erdhi me një ambicie të shtuar që ia imponoi edhe votuesve. Në Florida, e mundi Harris me 15% më shumë vota dhe në shtete që kanë qenë si “bastion” i demokratëve ai korri rezultate më të mira se dy herët e shkuara. Madje më mirë se çdo republikan tjetër përgjatë historisë!
-I dha vëmendje të veçantë zonave rurale
Trump mori 63% të votës popullore në këto zona, nga niveli 57% që ishte 4 vite më parë. Ndërkohë, Harris nuk ai doli dot të dilte as më lart se paraardhësi i saj Biden.
-Vota e latinëve
Trump ka siguruar votën e amerikano-latinëve në një nivel që s’është kapur asnjëherë që nga koha e George Bush. Ai ka fituar besimin e latinëve, ndryshe nga viti 2020 kur ata zgjodhën Biden me rreth 59%. Këtë vit, Trump mori 54% të votave të tyre, ndërsa Harris 44%.
-“Ngërçi” i demokratëve në Senat
Sikur një karrige të kishin mangët, për demokratët do të ishte prishje ekuilibrash. Por viti 2024 do të ishte sfidues për ta, pasi republikanët bënë lëvizjet e tyre.
-E treta e vërteta!
Edhe në vitin 2016 kur u zgjodh në krye të Shtëpisë së Bardhë dhe po ashtu në 2020-ën kur humbi ndaj Biden, sondazhet paraprake ishin pesimiste për Trump. Këtë vit vëzhguesit politikë u përpoqën të zgjidhnin metoda më efektive në mënyrë që Trump të mos nënvlerësohej apo efekti i kundërt, të mbivlerësohej Harris.
