Është arrestuar në Itali, Armando Aruçi 28-vjeç, futbollist shqiptar, me nenshtetesi italiane. Futbollisti është nën akuzë për shitje ndeshjesh, shkruan Libertas.
Sipas mediave italiane, hetimi për shqiptarin Armando është zhvilluar në San Marino.
Hetimi për shitjet e ndeshjeve, kishte nisur muaj më parë dhe është drejtuar nga Simon Luca Morsiani, kreu i Komisariatit.
Futbollisti shqiptar është arrestuar në flagrance një ditë më parë rreth orës 20:30, nga autoritete italiane ndërsa kishte shkuar për të ndjekur ndeshjen finale mes La Fiorita dhe Tre Penne.
