Është një skenë e zakonshme teksa ju jeni ulur në një takim dhe shefi i punës vazhdon për orë të tëra të ligjërojë. Pastaj telefoni fillon dhe vibron në xhepin tuaj. A e morët thirrjen?
Ju shikoni në telefonin tuaj, por numri nuk është në listën tuaj të kontaktit. Atëherë ajo çka bëni me siguri është se dilni nga dhoma me shpejtësi pasi kjo është një thirrrje shumë e rëndësishme që nuk mund ta humbisni.
Ne ju prezantojmë TrueCaller i cili mund t’ju ndihmojë lidhur me këtë problem.
“Në qoftë se ju shkarkoni TrueCaller nuk do t’ju duhet të shqetësoheni për të shpëtuar kontaktet në librin tuaj të telefonit, çdo gjë do të ndodhet në re.” thotë Alan Mamedi, shefi ekzekutiv dhe bashkë-themelues i Truecaller.
Ai kujton vetë telefonatat në takimet e punës si dilemën e tij, si motivimin e tij për të ndihmuar në krijimin e këtij aplikacioni të cilën ai beson se mund të jetë në çdo smartphone të gjithë globin.
Nëse ju merrni një telefonatë nga një numër që ju nuk e keni ne do jua tregojnë këtë informacion falë këtij aplikacioni. Ose në qoftë se ju vetëm doni të bëni një telefonatë nga jashtë në një mënyrë shumë më të mirë, duke e ditur nëse shoku juaj është i disponueshëm ose shoku juaj është në një telefonatë, atëherë ju mund të përdorni TrueCaller.
TrueCaller përdor një bazë të dhënash prej më shumë se dy miliardë numra telefoni për t’ju thënë se kush është duke ju telefonuar.
Nëse po ju vjen një thirrje nga një Call Center psh i cili synon t’ju shesë diçka, TruCaller jua bën të ditur këtë përpara se ju ta merrni thirrjen.
Ideuar nga një dhomë apartamenti , sot ky aplikacion ka 200 milionë përdorues, pasi e bën telefonin më të besueshëm dhe më të sigurtë.
Burimi : BBC/ Përshtati : Adela Zeneli/ Opinion.al
