Policia ka dhënë detaje rreth kapjes dhe arrestimit të autorëve të dyshuar të vrasjes së shtetasit Ardit Mrishaj dhe plagosjen e shtetasit F.Q, të shpallur në kërkim, ngjarje e ndodhur më datë 14.06.2016.
Pas një pune intensive operacionale, Specialistët e Sektorit për Krimet e Rënda në Drejtorinë Vendore të Policisë Kukës në bashkëpunim me Efektivat e Komisariatit të Policisë Tropojë, kanë bërë të mundur kapjen dhe ndalimin e shtetasve (vëllezër), të shpallur në kërkim, konkretisht: 1.Henerik Niklekaj, 22 vjeç, banues në fshatin Cërrnicë,Tropojë.( i dënuar më parë për vepra të ndryshme penal).
2.Fitim Niklekaj, 24 vjeç, banues në fshatin Cërrnicë, Tropojë.( i dënuar më parë për vepra të ndryshme penal). Pas lokalizimit të tyre, në ndjekje e sipër nga Policia, këta shtetas janë kapur në fshatin Kokdodë të Pukës.
Autorët nuk kanë bërë rezistencë ndaj Policisë. Gjithashtu është sekuestruar arma e krimit, të cilën e mbante në krah njeri nga vëllezërit.
